«Կանանց նախաձեռնություն հանուն անվտանգության և հավասարության» (WISE) ծրագիրը նպատակ ունի փոքր դրամաշնորհներ տրամադրել կանանց կողմից ղեկավարվող քաղաքացիական հասարակության կազմակերպություններին (այսուհետ նաև ՔՀԿ), համայնքային կազմակերպություններին և/կամ այն կազմակերպություններին, որոնք կենտրոնացած են կանանց, աղջիկների և խոցելի խմբերի հիմնախնդիրների և տնտեսական զարգացման վրա՝ մասնավորապես նպատակաուղղված լինելով թիրախային համայնքներում կանանց և աղջիկների նկատմամբ բռնության և բռնի ծայրահեղականության դեմ պայքարին և կանխարգելմանը: Բացի այդ ծրագիրը նպատակ ունի բարձրացնել իրազեկվածությունը Safe YOU հավելվածի  վերաբերյալ։

«Իմփակտ ինովացիաների ինսիտուտի նախաձեռնություններ» հիմնադրամը սույն հրավերով հայտարարում է մրցույթ 4 փոքր դրամաշնորհային ծրագրերի համար՝ յուրաքանչյուրը մինչև 820,000 ՀՀ դրամի չափով:

Ծրագրի նկարագիրը՝ 

• Ներկայացվող ծրագրերը կարող են ունենալ հետևյալ ուղղվածությունները՝ Կրթության, վերապատրաստման և հմտությունների զարգացման ծրագրեր թիրախային համայնքների, դպրոցներ համար, որոնք դասընթացներ և վերապատրաստման ծրագրեր են առաջարկում ուսանողներին, դպրոցներին և ՄԿՈՒ ուսուցիչներին: 
• Սոցիալական և զանգվածային լրատվամիջոցների արշավներ՝ օգտագործելով տեղական ռեսուրսներ՝ հիմնախնդիրներին ավելի խորը անդրադառնալու, իրազեկվածության բարձրացման և համայնքներում կանանց և աղջիկների նկատմամբ բռնության դեմ պայքարելու համար:
• Աշխատանք տեղական ինքնակառավարման մարմինների հետ և համագործակցություն համայնքի ՔՀԿ-ների և քաղաքապետարանների միջև՝ նախաձեռնելու և կյանքի կոչելու կանանց և աղջիկների նկատմամբ բռնությանը և բռնի ծայրահեղականությանը արձագանքելու ավելի արդյունավետ մեխանիզմներ: 
• Անկախ ներկայացվող ծրագրի հիմնական ուղությունից, ծրագիրը պետք է պարունակի Safe YOU հավելվածի  վերաբերյալ իրազեկվածության բարձրացմանն ուղղված գործողություններ:

Ովքեր կարող են դիմել՝ 

• Դրամաշնորհներ կարող են տրվել միայն գրանցված կազմակերպություններին, հետևաբար անհատական հայտերը չեն ընդունվում:
• Կարող են դիմել հասարակական կազմակերպությունները, հանրային և պետության կողմից վերահսկվող մասնագիտական ուսումնական հաստատությունները, ինչպես նաև Հայաստանի միջնակարգ կրթության հանրային և պետական ուսումնական հաստատությունները: 
• Ակտիվիստների ինքնակազմակերպված խմբերը, որոնք նպատակ ունեն ստեղծել հասարակական կազմակերպություն կամ ներգրավվել և միանալ արդեն գործող որևէ հասարակական կազմակերպության: Պետք է ունենան առնվազն 6 ամսվա ապացուցված ակտիվության փորձ կանանց և աղջիկների նկատմամբ բռնության դեմ պայքարի ոլորտում: 
• Դիմող կազմակերպության աշխատակիցների 70%-ը պետք է լինեն իգական սեռի և/կամ փոքր դրամաշնորհային ծրագրում ներառված անձանց 70%-ը պետք է լինեն իգական սեռի ։
• Դիմորդ կազմակերպությունները պետք է լինեն շահույթ չհետապնդող: 
• Դիմորդ կազմակերպությունը պետք է ունենա ընտրված ոլորտում 6 ամսից ավելի աշխատանքային փորձ: 
• Փոքրամասշտաբ նախագծի տևողությունը չպետք է գերազանցի 5 ամիսը:
• Ծրագրի դիմորդները պետք է լինեն 18 տարին լրացած:
• Ծրագիրը պետք է հիմնված լինի և իրականացվի Հայաստանի Հանրապետությունում։ 

Ծրագրի ընթացքում ընտրված դրամաշնորհառուները հասանելիություն կունենան ք․ Գյումրիի և ք․ Երևանի «Իմփակտ ինովացիաների ինսիտուտի նախաձեռնություններ» հիմնադրամի գրասենյակներին ծրագրի շրջանակում միջոցառումներ իրականացնելու համար։ 

Առաջնահերթությունը կտրվի այն թեկնածուներին, ովքեր կհամագործակցեն տեղական կամ ազգային մակարդակով պետական և հասարակական կազմակերպությունների հետ տարածաշրջանային զարգացման, կրթության, նորարարության, մշակույթի, առողջապահության, կոնֆլիկտների կարգավորման և/կամ շրջակա միջավայրի պահպանության համար, ինչպես նաև կհամագործակցեն միջազգային և տեղական հասարակական կազմակերպությունների հետ: 

Սահմանափակումներ՝

• Գործառնական/սարքավորումների ծախսեր- Դրամական միջոցները չեն կարող օգտագործվել գործառնական/սարքավորումների ծախսերի համար (օրինակ՝ գրասենյակի վարձույթ, կոմունալ ծառայություններ) 
• Մի վնասիր - Դրամական միջոցները չեն կարող օգտագործվել որևէ գործունեության համար, որը կարող է վնաս պատճառել շահառուների որևէ խմբի կամ շրջակա միջավայրին: 
• Անհատական կրթաթոշակներ կամ անձնական կրթաթոշակներ -Դրամաշնորհները չեն կարող օգտագործվել անհատներին անձնական օգտագործման համար ուղղակի ֆինանսական աջակցություն կամ կրթաթոշակներ տրամադրելու համար: 
• Կրոնական կամ քաղաքական գործունեություն - դրամաշնորհը չի կարող օգտագործվել կրոնական գործունեության ֆինանսավորման կամ հատուկ կրոնական կամ քաղաքական համոզմունքների խթանման համար: Ինչպես մասնակցել։

Մրցույթին մասնակցելու համար շահագրգիռ ՀԿ-ները և համայնքային կազմակերպությունները պետք է՝ 

• Լրացնեն, ստորագրեն և ներկայացնեն էլեկտրոնային հայտը և կից բյուջեն
• Տրամադրեն տեղեկատվություն դիմող կազմակերպության և անհատների/մարդկանց խմբերի մասին, ովքեր մասնակցում են փոքրամաշտաբ դրամաշնորհային ծրագրին: (ռեզյումե, աշխատանքի նկարագիր, կազմակերպության պետական գրանցման փաստաթղթեր): 
• Համաֆինանսավորման դեպքում, տրամադրեն համաֆինանսավորողի, հովանավորի և գործընկեր կազմակերպության/ների և վերոնշյալ կազմակերպությունների նախագծում ներգրավվածության մասին տեղեկություններ: 
• Տրամադրեն այլ փաստաթղթեր, որոնք կարող են վերաբերել հայտին և օգնել ծրագրի վերաբերյալ իրազեկ որոշումների կայացմանը (օրինակ՝ կազմակերպության ազդեցության հաշվետություն): 

 Ժամկետներ և դիմելու կարգ`

• Դիմելու վերջնաժամկետ՝ 2024թ․ սեպտեմբերի 30-ը Վերջնաժամկետից հետո ներկայացված Հայտերը ենթակա չեն դիտարկման։ 

Էլեկտրոնային հայտերը կից փաստաթղթերով պետք է ներկայացվեն էլեկտրոնային փոստի միջոցով WISEGrants@mercycorps.org հայերեն կամ անգլերեն լեզուներով։  Ներկայացված հայտերը չպետք է գերազանցեն 20 ՄԲ-ը, էլ-նամակի վերնագիր դաշտում պարտադիր պետք է նշվի «The SSG Application 2024 Armenia»:

• Տեղեկատվական դասընթացներ և հարց ու պատասխան հետաքրքրված դիմորդների համար: 

Մինչ դիմելու վերջնաժամկետը Կանցկացվի երկու տեղեկատվական դասընթաց՝ օգնելու համար հետաքրքրված դիմորդներին ճիշտ ձևակերպել իրենց հայտերը.

Դասընթաց 1: 2024 թվականի սեպտեմբերի 13, ժամը 14:30

Դասընթաց 2: 2024 թվականի սեպտեմբերի 19, ժամը 14:30

Տեղեկատվական դասընթացներին գրանցման և Zoom հղումը ստանալու համար խնդրում ենք լրացնել հետևյալ գրանցման ձևը :

• Ներկայացված հայտերի վերանայումն ու ընտրությունը կավարտվի 2024 թվականի հոկտեմբերի 15-ին։ 
• Ընտրված դրամաշնորհառուների համար տեղեկատվական հանդիպում դրամաշնորհի կառավարման հետ կապված՝ ամսաթիվը կհաստատվի լրացուցիչ։ 
• Կողմերի միջև վերջնական դրամաշնորհային պայմանագրերը կկնքվեն մինչև 2024 թվականի հոկտեմբերի 25-ին։

Դրամաշնորհի վերաբերյալ հարցեր կարող եք ուղարկել info@safeyou.space էլ.փոստին մինչև 2024 թվականի սեպտեմբերի 30-ը՝ նամակի վերնագրում նշելով «Question- SSG2»

Application form and Budget In Armenian
Application form and Budget In English